Главная » 2011 » Май » 12 » За1апхош бихьа никъ
21:36
За1апхош бихьа никъ
Барх1лаг1ча мае Москве поклонная гора яхача метте «АМИО» яхача къонача за1апхой юкъарлон организаце в1ашт1ехьа яьккха акции д1айихьар. Цига дакъа лоацаш бар ерригача Россе мел бола за1апхой. Иштта шоай арг1ах г1алг1ай мехкара баха за1апхой а бар цига дакъа лоацаш. "Маьл" яхача наха новкъостал деш йолча вай мехкарча фонда шоашка иштта моттиг я аьнна Москвера хоам беча, эггара хьалха ца баха лаьрх1а ак аьннадар шоашка наькъа Баха-бахка ахчан кхоачам ца хиларах. Бакъда, провительстве иштта моттиг я тха новкъостал ду далар тхона аьнна дехарца хоам бича, цар наькъа баха-бахка а цига 1е а ахча деннад.
Вай мехкара яхача тоабанца кхо за1апхои цхьа лори нахага чехка хоам бара вола болхлои за1апхошта ши новкъости вирригаш ворх1 саг вахавар. Ала деза ше требуне къамаьл деча хана маьл яхача вай фонда кулгалхочо Дзейтов Хьусена Лайлас г1алг1ай къаман ц1ераг1а къамаьл даьлга. Ший къамаьле цо аьлар:
– Таханарча дийнахьа вай дай бахьан долаш укх денга хьакхьачад вай. Х1аьта вай цу даьй сий де а уж ларх1а а декхарийла да. Массехка шера хало-атто шелал-й1овхал къоаста ца еш цхьа дезал сана ца бохаш моастаг1чоа духьал лаьттаб вай дай. Уж ба ерригача Россе мел дахача къамах бола нах. Х1аьта тахан вай декъаделар нийса дац вай цхьана хила деза. Тхо укхаза дахкар бахьан да аьлар Лайлас д1ахо. Тхоаш барт-машара т1ехьа долга д1ахайта а массабола за1апхой а берррига ветеранаш а укх доккхача денца даькъала бувца.
Д1ахо ткъаь иттлаг1ча июнера кхоалаг1ча июле кхаччалца Россе паччахьалкхе хьахилчахой хьалхара хулаш йолча «Мессе Дюссельдорф» яхача укх дунен т1ара йоккхаг1йолча компанех йоккхаг1йолча компане Германский выставка я Москве д1ахьош. Цига массайолча оаг1орахьара могаш боацача за1апхошта эша х1ама екъаргъйолаш я.
Вай мехкара яхача делигаце хозаг1йола оаг1онаш эздел гойтарах кхы йолча фондашта ца1 е шиъ мара ца енна пригласительни вай чарна пхиъ еннай.


Матенаькъан Илез













Категория: Новости Фонда | Просмотров: 2040 | Добавил: moarshal | Рейтинг: 0.0/0